De orixe galega, Antonio Sánchez Lorenzo é autor de Fifty short murders and a prolog, a súa primeira postproducción literaria como socio director de Comunicación tres.1000, a empresa fantasma, con intereses literarios, que manten sólidos lazos co mundo estadounidense da costa leste. A presente edición e versión en galego desta orixinalísima obra, publicada en Xerais Narrativa, correspondeu a Ramón Guitérrez Izquierdo. Estes cincuenta e dous relatos breves, dous deles inscritos nun apéndice, naceron a partir doutras tantas novelas longas que foron reescritas, reducidas e sintetizadas por un numeroso equipo de colaboradores, dirixido e coordinado por Antonio Sánchez Lorenzo que representaba ao autor (que por vaidade prefire quedar no máis absoluto anonimato) dun traballo literario moi dificilmente publicable cos criterios que, pola súa extensión desmesurada, hoxe utiliza o mundo editorial. Antonio Sánchez Lorenzo, en calidade de representante exclusivo do autor orixinal e máis de coordinador do equipo de autores finais e como autor do prólogo, asume así a autoría total deste libro. As historias de Cincuenta asasinatos breves e un prólogo, non se refiren todas elas a asasinatos, entroncan coas caudalosas novelas de tódolos tempos, e ben puideron resumirse noutra época